Home Boxing بلوچستان کے نوجوان باکسر شیر باز مری نے عالمی چیمپئن شپ میں گولڈ میڈل جیت لیا
Boxing

بلوچستان کے نوجوان باکسر شیر باز مری نے عالمی چیمپئن شپ میں گولڈ میڈل جیت لیا

Share
Share

محدود وسائل اور نامساعد حالات کے باوجود کوہلو سے تعلق رکھنے والے نوجوان باکسر شیر باز مری نے قازقستان میں منعقدہ نوماڈ ایم ایم اے ورلڈ چیمپئن شپ میں پاکستان کے لیے طلائی تمغہ حاصل کرلیا۔

بلوچستان کے ضلع کوہلو سے تعلق رکھنے والے نوجوان کھلاڑی شیر باز مری نے بین الاقوامی سطح پر پاکستان کی نمائندگی کرتے ہوئے نوماڈ ایم ایم اے ورلڈ چیمپئن شپ میں گولڈ میڈل جیت لیا۔

شیر باز مری نے اپنی کامیابی پر خوشی کا اظہار کرتے ہوئے کہا کہ ووشو سے باکسنگ اور پھر کک باکسنگ تک 16 سالہ جدوجہد نے انہیں عالمی سطح پر پہچان دلائی۔

ان کا کہنا تھا کہ پاکستان کی نمائندگی کرنا اور عالمی مقابلے میں قومی پرچم لہرانا ان کے لیے باعثِ فخر ہے۔

سرکاری ملازمت حوصلہ افزائی کا باعث

شیر باز مری نے بتایا کہ عالمی سطح پر کامیابی کے بعد حکومتِ بلوچستان کی جانب سے سرکاری ملازمت کا حصول ان کے لیے حوصلہ افزائی کا باعث ہے۔

ان کی کامیابی اس بات کی مثال ہے کہ بلوچستان کے نوجوانوں کو مناسب مواقع اور سہولیات فراہم کی جائیں تو وہ کھیلوں کے عالمی میدان میں پاکستان کی نمائندگی کرتے ہوئے ملک کا نام روشن کرسکتے ہیں۔

Share

Leave a comment

Leave a Reply

Your email address will not be published. Required fields are marked *