Home Cricket ’’میری زندگی میں کوئی مرد نہیں، میں سنگل ہوں‘‘، ثانیہ مرزا کا ذاتی زندگی سے متعلق اہم انکشاف
CricketTennis

’’میری زندگی میں کوئی مرد نہیں، میں سنگل ہوں‘‘، ثانیہ مرزا کا ذاتی زندگی سے متعلق اہم انکشاف

Share
Share

سابق بھارتی ٹینس اسٹار نے ٹاک شو ’ڈبل ڈیٹ‘ میں فرح خان کے ہمراہ گفتگو کرتے ہوئے کہا کہ مرد دوست انہیں اکثر چھٹیاں گزارنے کی دعوت دیتے ہیں، تاہم وہ انہیں صرف دوست سمجھتی ہیں۔

سابق بھارتی ٹینس اسٹار ثانیہ مرزا نے اپنی ذاتی زندگی سے متعلق قیاس آرائیوں کا جواب دیتے ہوئے واضح کیا ہے کہ وہ اس وقت سنگل ہیں اور ان کی زندگی میں کوئی مرد نہیں ہے۔

ثانیہ مرزا اپنی قریبی دوست اور فلم ساز فرح خان کے ہمراہ اداکارہ نیہا دھوپیا اور انگد بیدی کے ٹاک شو ’ڈبل ڈیٹ‘ میں شریک ہوئیں، جہاں گفتگو کے دوران میزبانوں نے ان سے پوچھا کہ کیا حال ہی میں کسی نے انہیں کافی پر ملاقات کی دعوت دی ہے؟

ثانیہ نے بتایا کہ ان کے مرد دوست اکثر انہیں چھٹیاں گزارنے کے لیے اپنے ساتھ جانے کی دعوت دیتے ہیں، تاہم وہ انہیں ممکنہ شریکِ حیات کے بجائے دوستوں کی طرح ہی دیکھتی ہیں۔

مستقبل میں کسی رشتے کے امکان کو بھی رد نہیں کیا

گفتگو کے دوران فرح خان نے انکشاف کیا کہ ان کے بعض دوست اکثر ان سے پوچھتے رہتے ہیں کہ کیا ثانیہ واقعی سنگل ہیں؟

اس سوال کے جواب میں ثانیہ مرزا نے کہا:

’’میری زندگی میں کوئی مرد نہیں ہے اور مجھے نہیں معلوم کہ مستقبل میں کوئی آئے گا بھی یا نہیں۔‘‘

ان کے اس بیان کے بعد سوشل میڈیا پر ان کی ذاتی زندگی سے متعلق گفتگو ایک بار پھر موضوعِ بحث بن گئی ہے۔

شعیب ملک سے علیحدگی کے بعد نجی زندگی

ثانیہ مرزا نے پاکستانی کرکٹر شعیب ملک سے 2010 میں شادی کی تھی۔ دونوں کے ہاں 2018 میں بیٹے اذہان مرزا ملک کی پیدائش ہوئی۔ جوڑا 2023 میں الگ ہوگیا، جبکہ شعیب ملک نے جنوری 2024 میں پاکستانی اداکارہ ثنا جاوید سے شادی کرلی۔

علیحدگی کے بعد ثانیہ مرزا نے اپنی نجی زندگی کو زیادہ تر میڈیا کی نظروں سے دور رکھا اور خاندان، بیٹے اور پیشہ ورانہ مصروفیات پر توجہ مرکوز رکھی۔

ٹینس کی دنیا میں نمایاں کامیابیاں

ثانیہ مرزا نے 2023 میں پروفیشنل ٹینس سے ریٹائرمنٹ کا اعلان کیا تھا۔ وہ خواتین کے ڈبلز اور مکسڈ ڈبلز مقابلوں میں مجموعی طور پر چھ گرینڈ سلم ٹائٹلز جیت چکی ہیں، جبکہ سنگلز عالمی رینکنگ میں ان کی بہترین پوزیشن 27ویں رہی۔

ٹینس سے ریٹائرمنٹ کے بعد بھی ثانیہ مرزا کھیلوں اور دیگر سرگرمیوں کے ذریعے خبروں میں رہتی ہیں۔

Share

Leave a comment

Leave a Reply

Your email address will not be published. Required fields are marked *